انصار: ( د ږوی۲۳مه)، د افغانستان او پاکستان ګډه سوداګريزه خونه وايي چې په ۲۰۲۳م کال کې د افغانستان او پاکستان ترمینځ مجموعي تجارت څه باندې دوه نيم ميليارده ډالره وو ، خو دا مهال ۷۰۰ ميليونو ډالرو ته راټيټ شوی دی.
د پاکستان او افغانستان د صنعت او تجارت د ګډې خونې د افغانستان څانګې مشر خان جان الکوزی وايي چې له عادي حالته غير عادي حالت ته د اوضاع اوښتو له امله پر دوه اړخيزه تجارت له ۵۰ سلنه څخه تر ۷۰ سلنه پورې منفي اغېز شوی دی.
خو د پاکستان د سوداګرۍ او صنایعو د ګډې خونې پخوانی مشر دارو خان اڅکزی وايي، په صادارتو کې کموالی ځکه راغلی چې د افغانستان پر معدنونو تعرفه لوړه شوې او اوس یې پاکستان ته واردول کم شوي دي نو اوس افغانستان دغه صادرات د منځنۍ اسیا له لارې تر سره کوي.
د یادونې ده چې تر دې وړاندې د صنعت او سوداګرۍ وزارت ویلي وو ، د روان لمریز کال په لومړیو پنځو میاشتو کې پاکستان ته د افغانستان په صادراتو کې ۱۰ فیصده کموالی راغلی دی.
یاد وزارت د صادراتو د کمېدو لامل د پاکستان له خوا د دواړو هېوادونو ترمنځ د سوداګریزو تړونونو نه مراعتول بللي دي.
URL تعقيب: https://www.ansarpress.com/pashto/33430
سور صلیب: د افغانستان د اقتصادي سیستم د سقوط د مخنیوي هڅه کوو